Melchsee-Frutt

Im Oktober heimer e spektakuläri Panoramatour mit eusere Bikergruppe ungerno.

Gstartet simer adr Taustation Stöckalp womer aaschliessend mit em Poschtouto ufd Melchsee-Frutt ufepändlet si. Nach es paar Veloschiebeminutä simer ufemne wunderschöne Trail zur Planplatten witergfahrä und hei d Mittagspousä innere Bergsennhüttä gmacht.

Gägene härzhafte Chäsprägu hets nonie öbbis zsäge gä!

Aaschliessend simer du witer nach Käserstadt, verbi bider Skihüttä wo dFirma Marti amigs bidedä Skiusflüg mit aunä Mitarbeiter rascht macht und übernachtet. Dr Gibu isch scho baud in Sicht gsi und unger eusne heissä Sohlä hetsech es irrsinnig schöns Näbumeer ufta.

Sone Ussicht gsesch imfau säutä, das chaschmer ruhig gloubä!

Nach ere erholsame rascht zoberscht obä heimernis du ad Abfahrt gmacht und si scho baud zLungern aacho. Dr Letscht Abschnitt füehrt ufemne Singletrail und Velowäg nach Sarnä und dient zur abschliessende Entspannig.

Insgesamt simer über 40 Kilometer ungerwägs gsi und hei är Riisägoude gha! Und wenn jetzt no e Blick id Biuder wirfsch wirdsch gseh, dassech dUffahrt definitiv glohnt het!

 

Schreibe einen Kommentar